திருப்புகழ் # 923 - Thiruppugazh song - மதியால் வித்தகன் - கருவூர்

This page in Tamil Hindi/Sanskrit Telugu Malayalam Bengali Kannada English ITRANS Marati Gujarathi Oriya Singala Tibetian Thai Japanese Urdu Cyrillic/Russian

923 கருவூர் திருப்புகழ் ( குருஜி இராகவன் # 217 - வாரியார் # 933 )
மதியால் வித்தகன்
முன் திருப்புகழ் அடுத்த திருப்புகழ்

தனதானத் தனதான தனதானத் ...... தனதான

மதியால்வித் தகனாகி மனதாலுத் ...... தமனாகிப்
பதிவாகிச் சிவஞான பரயோகத் ...... தருள்வாயே
நிதியேநித் தியமேயென் நினைவேநற் ...... பொருளாயோய்
கதியேசொற் பரவேளே கருவூரிற் ...... பெருமாளே.

Easy Version:
மதியால் வித்தகனாகி
மனதால் உத்தமனாகி
பதிவாகிச் சிவஞான
பரயோகத்து அருள்வாயே
நிதியே நித்தியமே யென் நினைவே
நற் பொருளாயோய்
கதியே சொற் பரவேளே
கருவூரிற் பெருமாளே.

Add (additional) Audio/Video Link

மதியால் வித்தகனாகி ... என் புத்தியைக் கொண்டு நான் ஒரு
பேரறிவாளனாகி,
மனதால் உத்தமனாகி ... என் மனம் நன்னெறியின் செல்ல அதனால்
நான் ஒரு உத்தம மனிதனாகி,
பதிவாகிச் சிவஞான ... சிவ ஞானத்தில் என் சிந்தை ஊன்றுவதாகி,
பரயோகத்து அருள்வாயே ... மேலான யோக வழியை நான்
பற்றும்படியாக அருள் புரிவாயாக.
நிதியே நித்தியமே யென் நினைவே ... என் செல்வமே, அழிவில்லாப்
பொருளே, எனது தியானப் பொருளே,
நற் பொருளாயோய் ... சிறந்த பேரின்பப் பொருளானவனே,
கதியே சொற் பரவேளே ... எனக்குப் புகலிடமே, எல்லாராலும்
புகழப்பெறும் மேலான செவ்வேளே,
கருவூரிற் பெருமாளே. ... கருவூர்த் தலத்தில் எழுந்தருளிய
பெருமாளே.

1
	send corrections and suggestions to admin @ sivaya.org thiruppugazh song

மதியால் வித்தகன்

thiruppugazh song